kutubhona

– „Ёки: «Уни (Муҳаммад) тўқиб чиқарган», дейдиларми?! Айтинг (Эй Муҳаммад): «У ҳолда агар ростгўй бўлсангизлар, Аллоҳдан ўзга кучингиз етган барча бутларни (ёрдамга) чорлаб шу (Қуръон)га ўхшаш биргина сура келтирингизлар!»“. [10:38]
Бу ерда Бақара сурасида эса мана бундай дейиляпти:

وَإِن كُنتُمْ فِي رَيْبٍ مِّمَّا نَزَّلْنَا عَلَى عَبْدِنَا فَأْتُواْ بِسُورَةٍ مِّن مِّثْلِهِ
(Агар биз бандамизга туширган нарсадан (Қуръондан) шак-шубҳада бўлсангиз, у ҳолда шунга ўхшаган биргина сура келтиринг) (مِّثْلِهِ) сўзидан олдин бир (مِّن) ҳарфи зиёда қилиняпти. Бу зоида ҳарф таъкидни ифодалайди.39 Чунки Бақарадаги бу оят Юнус сурасидаги оятнинг таъкидидир. Шунинг учун кейинги оят уларнинг бу ишни ҳеч қачон қила олмасликларига узил-кесил ҳукм чиқаряпти.

فَإِن لَّمْ تَفْعَلُواْ وَلَن تَفْعَلُواْ
(Энди агар бундай қилолмасангиз, ҳаргиз қилолмайсиз ҳам). Шу билан уларга қарши қатъий ҳужжатни келтиряпти. Яъни, улуғ Қуръон ҳар қандай нуқсондан Пок Аллоҳнинг каломидирки, унинг олди ҳам, орти ҳам ботилдан холидир ва у Азиз ва Ҳамид Зот тарафидан нозил қилингандир.

Шундан сўнг Аллоҳ бу оятларнинг охирларида Ўзининг кофирлар учун жуда катта ўт, олов, мўминлар учун эса остидан анҳорлар оқиб турадиган боғлар тайёрлаб қўйганини баён қилди. Бу боғларда мўминлар ўзлари истаган мевалардан тановул қиладилар. Чиройи, хушбўйлиги ва ажойиблигида бу мевалар бир-бирига ўхшайди. Шунингдек мўминлар учун у ерда ҳар қандай гуноҳу озордан (хайз, нифос каби озорланишлардан) пок бўлган жуфтлар ҳам бор.

Кейин Аллоҳ Ўзининг содиқ мўмин бандаларига кўрсатган марҳаматини, яъни, уларни жаннатларда, барқарор неъмат ичида, мўл, сероб эзгулик ичида абадий қолдиришини айтади.

Мана шу ерда Аллоҳ Таолонинг пайғамбарларни юборгани ва уларга мўъжизалар бергани ҳақида бироз тўхталиб ўтмасак бўлмайди.

1- Аллоҳ бутун халойиқни бир ҳикмат билан яратди. Бу ҳикмат Аллоҳга бандалик қилишдир.

(39) Қуръони Каримда битта маънодан бошқа таъкид ҳам, зиёдалик ҳам бўлмайди. Шунинг учун Қуръонда таъкид ё зиёда бўлиб кўринган нарса, аслида маънони янада зиёда қилиш учун келади. Масалан ушбу من каби. Бу аввалги Юнус сурасидаги оятнинг таъкидидир.